प्रहरी कन्ट्रोल : १००, टोल फ्री नं.: १६६००१४१५१६
नेपा
EN

" गुण्डागर्दी गरी रकम असुली गर्ने गिरोह पक्राउ "

२०७८-०९-२५

  • A
  • A-
  • A+
Share

घटना विवरण :
काठमाण्डौको पानीपोखरीमा रहेको युनिभर्सल ईन्टरनेशनल मेनपावर कम्पनिका सञ्चालकलाई तपसिलमा उल्लेखित ठेगाना भएका मिलन जोशी,रबिन्द्र बस्नेत समेतले हामीहरु यस एरियाका दादा हौं भन्दै हामीहरुलाई मेनपावरले विदेश पठाएका व्यक्तिहरुबाट लिएको रकम मध्येको कम्तिमा प्रतिव्यक्ति रु २५,०००।-(पच्चीस हजार मात्र) का दरले कमिसशन दिनु पर्छ,नत्र मेनपावर चलाउन दिदेनौ भनि हाल सम्म ९०,२५,०००।-(नब्बे लाख पच्चीस हजार मात्र) रकम लिएको प्रमाण समेत पेश हुन आएको र हाल लकडाउनको कारण मेनपावर चल्न नसकेको अवस्थामा निजहरुले कमिसन तथा दशैं खर्च समेतको एकमुष्ट रकम सञ्चालक सँग माग गरी पटक पटक धम्की दिदै आएकोमा मिति २०७८।०८।१६ गते निजहरु मेनपावर कम्पनिमा आई सञ्चालक, सञ्चालकको श्रीमती र स्टाफहरु समेतलाई ज्यान मार्ने धम्की दिई थप रकम माग गरेकोमा सञ्चालकले रकम दिन सक्दिन भन्दा हातपात समेत गरेको भन्ने सूचनाको आधारमा उक्त कार्यमा संलग्न मिलन जोशी र रविन्द्र बस्नेतलाई मिति २०७८/०८/१९ गते अ. १५:०० बजेको समयमा यस महाशाखाबाट खटि गएको बिशेष प्रहरी टोलीले जिल्ला काठमाण्डौ स्थित मित्रपार्कबाट निम्न व्यक्तिहरुलाई पक्राउ गरी आवश्यक कारबाहीको लागि “आपराधिक लाभ लिएको कसुर”(extortion) मुद्दामा महानगरीय प्रहरी परिसर टेकु, काठमाण्डौ पठाईएको। साथै निजहरुले अन्य मेनपावर व्यसायीहरुसँग समेत रकम असुल गरेको भन्ने सुचनाको सम्बन्धमा थप अनुसन्धान भईरहेको।
पक्राउ परेको व्यक्तिको विवरण:-
१. नामः-मिलन जोशी
उमेर :- ४० बर्ष
स्थायी वतन :- जिल्ला काठमाण्डौ का.म.न.पा -०७ गगाँहिटि
हालः- का.जि. सुकेधारा
२. नाम- रबिन्द्र बस्नेत,
स्थायी वतनः- जिल्ला दोलखा भिमेश्वर न.पा. वडा नं. ५ माटी
उमेरः३५ वर्ष
हाल :-जिल्ला काठमान्डौ का.म.न.पा- ४,बालुवाटार
मितिः २०७८।०८।२० गते ।

सम्बन्धित समाचार
“ बैंकिङ कसुर मुद्दामा फरार रहेका प्रतिवादी पक्राउ ”
२०७९-०४-२६

जग्गा पास गरिदिन्छु भनि बैना रकम बुझिलिई जग्गा पास गर्न नसके पछि आफ्नो बैना बापतको रकम फिर्ता गर्न रु ४०,००,०००।– (अक्षरुपी रु चालिस लाख मात्र) को चेक दिएकोमा पर्याप्त रकम नभई चेक बाउन्स भएको बैकिङ कसुर मुद्दामा संलग्न रहि फरार  रहेका प्रतिवादी छत्र बहादुर रोक्का क्षेत्रीलाई  यस कार्यालयबाट खटि गएको बिशेष प्रहरी टोलिले मिति २०७९।०४।२५ गते अ. १९:०० बजेको समयमा का.जि.बसुन्धाराबाट  पक्राउ गरी बैंकिङ कसुर मुद्दामा आवश्यक कारवाहीको लागि  प्रहरी वृत्त नयाँबानेश्वर  पठाईएको । पक्राउ पर्ने ब्यक्तिः-नामः- छत्र बहादुर रोक्का क्षेत्री                                  उमेरः- ५२ वर्षठेगानाः- जिल्ला बाग्लुङ बाग्लुङ न.पा. वडा नं. ३ हालः- जिल्ला काठमाण्डौ  का.म.न.पा. ३ बसुन्धारा

" राजस्व छलीको सामान सहित मानिस पक्राउ "
२०७९-०४-२४

जिल्ला काठमाण्डौ का.म.न.पा वडा नं-१८ नरदेवी एरियामा गैरकानूनी रुपमा भन्सार छलिको सामानहरु लुकाई छिपाई राखेको  छ भन्ने गोप्य सूचनाको आधारमा यस काठमाण्डौ उपत्यका अपराध अनुसन्धान कार्यालय बाट खटिएको बिशेष प्रहरी टोलीले मिति २०७९।०४।२३ गते अ.१४:३० बजेको समयमा भन्सार छलि गरी ल्याएको सामान सहित पक्राउ गरी थप अनुसन्धान एवं कारवाहीको लागि त्रिभुवन अन्तराष्ट्रिय बिमानस्थल भन्सार कार्यालय, गौंचर काठमाण्डौं  पठाईएको ।पक्राउ ब्यक्ति:-   नाम थर:- गणेश भगतवर्ष:-४२                          स्थायी तवन:-जिल्ला सप्तरी राजविराज न.पा. वडा नं. ४हाल:-का.जि. ठँहिटी बरामद सामान र फोटो :-छालाको पेटी:- १९०६ थान                                                                          छालाको पर्स:- ५२९४ थान

" हुण्डीको कारोबार गर्ने ब्यक्तिहरु पक्राउ "
२०७९-०४-२४

जिल्ला काठमाण्डौ का.म.न.पा वडा नं-१८ नरदेवी एरियामा गैरकानुनी रुपमा हुण्डीको कारोबार हुने गरेको छ भन्ने गोप्य सुचनाको आधारमा यस काठमाण्डौ उपत्यका अपराध अनुसन्धान कार्यालयबाट खटिएको बिशेष प्रहरी टोलीले मिति २०७९।०४।२३ गते अ.१७:३० बजेको समयमा भारत राजस्थान शिखर जिल्ला देवथला घरभई हाल का.जि.का.म.न.पा.अनामनगर बस्ने बर्ष ६४ को राजु अग्रवाल तथा निजका सहयोगी कर्मचारी समेतलाई स्रोत नखुलेको ५०० र १००० दरका नेपाली रुपैँया ७४,००,०००।(अक्षेरुपी रु चौहत्तर लाख मात्र ।-) तथा बिभिन्न ब्यक्तिको नाममा काटिएका बिभिन्न बित्तिय संस्थाका रु २६,३२,८५०।– बराबरको चेक थान - ९ सहित पक्राउ गरी थप अनुसन्धान एवं कारवाहीको लागि राजश्व अनुसन्धान बिभाग हरिहर भवन, ललितपुर पठाईएको ।पक्राउ ब्यक्तिहरु :-  १.  भारत, राजस्थान शिखर जिल्ला, देवथला घर भई हाल जि.काठमाण्डौं, बबरमहल  वर्ष ६४ को राजु अग्रवाल ।              २. जिल्ला सिन्धुपाल्चोक, मेलम्ची न.पा-४ घर भई हाल जि. काठमाण्डौ, जोरपाटी बस्ने वर्ष २० को रामहरी दुलाल ।३. जि.रौटहट, चन्द्रपुर न.पा-४ घर भई हाल जि.काठमाण्डौ, चावहिल बस्ने वर्ष २४ को सुदिप आचार्य ।   बरामद :-नेपाली रुपैँया ७४,००,०००।-  (चौहत्तर लाख मात्र) बिभिन्न ब्यक्तिको नाममा काटिएका बिभिन्न बित्तिय संस्थाका रु २६,३२,८५०।– बराबरको चेक थान -९

“लुटपाट कार्यमा संलग्न व्यक्तिहरू पक्राउ”
२०७९-०४-२२

उपरोक्त सम्बन्धमा मिति २०७९/०३/२९ गते दिउँसो अं. १२:४२ बजेको समयमा का.जि. का.म.न.पा. वडा नं.  १६ बालाजु कुमारीस्थान स्थित सडक बाटोमा गायत्री ढकाललाई पैदल हिँडिरहेको अवस्था रातोकालो पल्सर मोटरसाइकलमा सवार अपरिचित व्यक्तिहरुले धक्का दिई पिडितको हातमा बोकेको पहेँको झोला भित्र रहेको नगद, मोबाईल तथा अन्य महत्वपूर्ण कागजात समेत लुटपाट गरी लगेको घटना अनुसन्धानको सिलसिलमा यस अपराध अनुसन्धान कार्यालयबाट खटि गएको टोलीले मिति २०७९/०४/२० गते बेलुकाको समयमा का.जि. मनमैजु र बानियाँटारबाट लुटपाट  गरी लगेको मोबाईल लगायत खुकुरी तथा लागुऔषध गाँजाको धुलो ५५१ ग्राम सहित सागर दर्जी र अमिर महर्जनलाई पक्राउ गरी आवश्यक कानूनी कारबाहीको लागी प्रहरी वृत्त, बालाजु पठाईएको ।पक्राउ व्यक्तिहरु:-१) नाम:–  सागर दर्जी                                उमेर :– २५ बर्ष     ठेगाना:–  जिल्ला रामेछाप उमाकुण्ड गा.पा. वडा नं. ३     हालको ठेगाना:- का.जि.  टोखा न.पा. वडा नं. ०३ २) नाम:–  अमिर महर्जन                            उमेर :– १९ बर्ष     ठेगाना:–  का.जि. तारकेश्वर न.पा. वडा नं. ०९ बरामद सामानहरु:-१. खुकुरी थान १२. मोबाईल थान २३. लागुऔषध गाँजाको धुलो ५५१ ग्राम ४. बा ६३ प ९४६५ नम्बरको २२० सिसि पल्सर मो.सा. थान १

“बैकिङ कसुर मुद्दाका फरार प्रतिवादी पक्राउ”
२०७९-०४-१९

राजेश देशेमरूको जाहेरीले वादी नेपाल सरकार प्रतिवादी जिल्ला गोरखा साविक गोरखा नगरपालिका वडा नं.०२ हाल परिवर्तित गोरखा नगरपालिका वडा नं.०७ घर भई हाल काठमाण्डौ जिल्ला काठमाण्डौ महानगरपालिका वडा नं.१० बस्ने वर्ष ४६ को दिपक चन्द्र आचार्य आचार्य भएको बैकिङ्ग कसुर मुद्दामा (विगो रू.१९,५०,०००।- (उन्नाईस लाख पचास हजार) मा फरार रहेका प्रतिवादी दिपक चन्द्र आचार्यलाई यस कार्यालय विशेष अनुसन्धान टोलीले मिति २०७९।०४।१८ गते काठमाण्डौ जिल्ला थापागाँउबाट पक्राउ गरी थप अनुसन्धानको लागि मिति २०७९।०४।१८ गते प्रहरी वृत्त, गौशाला पठाईएको ।पक्राउ प्रतिवादी:१. नाम : दिपक चन्द्र आचार्यउमेर : ४६ बर्ष ठेगाना : गोरखा-०७, गोरखा हाल : काठमाण्डौ जिल्ला बानेश्वर

राजस्व छलिका सुर्तीजन्य पद्वार्थ सहित मानिसहरु पक्राउ
२०७९-०४-१९

काठमाण्डौ उपत्यका भित्र केही व्यक्तिहरूले गैरकानूनी रूपमा भारतबाट कच्चा सुर्ती राजस्व छली गरी ल्याई भण्डारण गरी कारोबार गर्ने गरेको भन्ने गोप्य सूचनाका आधारमा मिति २०७९।०४।१८ गते यस कार्यालयबाट खटि गएको बिशेष प्रहरी टोलीले निगरानी गर्ने क्रममा मिति २०७९।०४।१८ गते का.जि.पेप्सीकोलाबाट पोष्टराज गौतमलाई र दिनेश चौधरीलाई का.जि.का.म.न.पा.कुलेश्वरबाट पक्राउ गरी अनुसन्धान गर्दा निजहरुले भारतबाट राजस्व छली गरी ल्याएको सुर्ती जन्य कच्चा पदार्थ अरबिन्द अग्रवाल र सुरेश पोख्रेलले संचालन गर्ने जिल्ला ललितपुर ल.पु.म.न.पा.वडा २१ खोकना स्थित न्यू शुभ लक्ष्मी सुर्ती उद्योग तथा उपत्यकाका बिभिन्न स्थानमा भण्डारण गरी राखेको भन्ने खुल्न आएकोले राजश्व अनुसन्धान बिभाग हरिहर भवन ललितपुर तथा काठमाण्डौ उपत्यका अपराध अनुसन्धान कार्यालयको संयुक्त टोलीले नख्खु स्थित फुलबारी मार्ग, भैँसेपाटी स्थित पञ्चकन्या मार्गमा रहेको २ वटा गोदाम र अफिस तथा खोकना स्थितमा रहेको श्री न्यु शुभ लक्ष्मी सुर्ती उद्योगमा खानतलासी गरी राजश्व छली गरी राखेका सुर्ती बनाउन प्रयोग हुने कच्चा पद्वार्थ भण्डारण गरी राखेको गोदाम राजस्व अनुसन्धान विभाग र स्थानिय जनप्रतिनिधिको रोहवरमा सिल गरी सञ्चालक समेतलाई पक्राउ  गरी  आवश्यक अनुसन्धान तथा कारवाहीको लागि राजस्व अनुसन्धान विभाग हरिहर भवन ललितपुर पठाईएको, राजस्व छलिका उक्त सामानहरुको विस्तृत परिमाण समेतको विवरण सहितको मुचुल्का उठाउने कार्य राजस्व अनुसन्धान विभाग र यस कार्यालयबाट खटिएको सयुंक्त टोलीबाट भैरहेको ।सामानको विरवरण: १.      तयारी सुर्ती १९५ बोरा (अ.आठ हजार के.जी.) २.      कच्चा सुर्ती  (अ. विस हजार दुइ सय के.जी.) पक्राउ व्यक्ति :- १.   जिल्ला सिन्धुली तिनपाटन गा.पा.वडा नं.६ घर भई हाल का.जि.बुढानिलकण्ठ न.पा.११ बस्ने वर्ष ५६ को पोष्टराज गौतम । २.   जिल्ला मोरङ विराटनगर न.पा.वडा न.१२ घर भई हाल ललितपुर,ल.म.न.पा.३ धोवीघाट बस्ने वर्ष ५३ को सुरेश पोख्रेल । ३.   जिल्ला सर्लाही बिष्णु गा.पा.वडा नं.३ घर भई हाल का.जि.का.म.न.पा.१४ कुलेश्वर बस्ने वर्ष ४४ को दिनेश चौधरी। ४.   का.जि.का.म.न.पा.सिनामंगल वडा नं.९ घर भई बस्ने वर्ष ३८ को अरबिन्द अग्रवाल ।